Edith Fischer und Tina Masura nach der Neuinstrumentierung. Ihr "Kerngeschäft" sind weiterhin Themen aus Bildung und Politik.
Dia Muura schtoht no immer nit, dr Trump, dä lauft Amok
und jetz dia Hiobsbotschaft us Mexico - a Schock!
Dia hegend schint's - total gezielt - dr Lehrplan revidiart:
Im Turna wird jetz flächadeckend Schtabhochsprung trainiart.
Dr Poschtplatz gseht jetz andersch uus, dr Kreisel händs planiart,
au ds Müürli vum Calanda-Gärtli wärd’ no amputiart.
Korrekt verpackt, schickends das Teil dänn uf Amerika,
döt gäbis eina, wo so Müürli, schiinbar bruucha kha.
Dänn suufsch schu bald im Gärtli halt, diis Piarli ohni Müürli.
Bi däm Verkehr isch das brandgföhrlich und drum tüands natüürli
für d’Pensionära vur Stadt Chur ganz z’vorderscht reserviara.
Asoo hilft jedi Kollision, d’Pensionskassa z’saniara.
